Connect with us

Fila

Police Go Arrest Akua Donkor Secof Fraud

Published

on

Madam Akua Donkor, who bi former presidential aspirant for the Ghana Freedom Party, go court secof someone accuse am of fraud.

According to information wey dey reach #Pidginnews (www.pidginnewsonline.com), she go steal ein family property wey she sell.

Madam Donkor go steal 33- acres of land wey dey belong to ein family wey she sell am to Faustina Yeboah for Ghc 10,500.00, na she no wan pay back the money to am after she find out say the land no bi Akua ein own.

Madam Faustiana go report the matter give the Police wey dem carry am go court, but after yesterday ein court hearing, she plead say she no bi guilty wey dem grant am GhC 12,000 bail by the Kumasi Metropolitan Assembly (KMA) Court. Court Presider, Miss Mary Nsenkyire say she go re appear for court next month March 10, 2020.

Police Chief Inspector Timothy Amoako, tell the Court say the complainant bi a trader for Kumasi.

THE ISSUE EIN DETAILS

He say for 2009, the complainant den ein younger brother,Kwabena Appiah Nuamah, who dey base for United Kingdom, approach Madam Donkor for Ajuratia near Kumasi wey dem negotiate plus am for the land secof dem wan take do farming.

Madam Donkor later go give dem 33 acres of land wey she take GHC10,500.00 from them.

The Prosecution say Madam Donkor go prepare indenture for the land wey she take give the complainant den ein brother.

Mr Amoako say the complainant Faustiana) den father Kofi Appiah Nuamah, who bi witness for the case inside clear some part of the land wey dem grow crops like cocoa, plantains, cassava den maize for top.

After a year, some people come dey claim say dem bi relatives of Akua Donkor wey dem start dey worry the complainant den ein father any time dem go go work for the land top.

He say Akua Donkor ein relatives order the complainant say make dem clear off from the land secof ebi dema family property wey Madam Donkor no get any right say she go sell am.

According to chief Inspector Amoako, the harassment den threats from the relatives come turn serious so dem take Akua Donkor go the Kumasi Central Police Station wey dem go arrest Akua Donkor.

The Prosecution say after police investigations, dem charge am plus the offence.

#PidginNews #PidginnewsGhana #fillasorr #Wedey4U #Ghanapidgin #Nigeriapidgin #BBCPidgin

Continue Reading
Click to comment

Leave a Reply

Your email address will not be published. Required fields are marked *

Entertainment

Make You Reward Me Before I Die- Ogidi Brown Beg President Nana Akufo Addo

Published

on

By

Ghanaian musician, Ogidi brown put chaw entertainment industry players for some sad corner.

The only physically challenged musician say make Ghanaian Radio den TV stations plus President Nana Akufo Addo celebrate am before he go die. The musician who also dey manage an artist post for Facebook say dem admit am for hospital for 8days wey he dey in some serious condition.

See Facebook post:

“Celebrate me today, talk about me today, post my picture on social media today and wish me well, pray for me everywhere, Tv and Radio, i want to see this live, Dont let me die before my family will see you were a big fan, I’ve been admitted at hospital for 8days in serious condition, Mr President, Nana Akufo Addo @nakufoaddo this is Ogidibrown, a Ghanaian hiplife/highlife musician. Am the only physically challenged artiste in a wheelchair trying to build the hope of others to know disability is not an excuse, Mr President my problem is Ghana music authorities are cheating me too much, i started doing music commercially from 2016 and I’ve invested alot in music, but i haven’t been nominated before, please i want you to reward me before i die, thank you Mr President thank you Ghana”.

#PidginNews #fillasorr #pidginlanguage #Ghanapidgin #Nigeriapidgin #BBCPidgin #Wedey4u

Continue Reading

Fila

E/R:Police Catch School Dropout Kidnapper

Published

on

By

Police for Akim Oda wey dey the Eastern Region Ghana catch 19-year-old suspect secof he kidnapp nine-year-old boy.

The police catch the suspect, Ebenezer Oko, who also dropout from Atweaman SHS for Akim Manso, on Monday February 17, 2020, near Mobile Money merchant for Jamaica, Akim Oda.

Na suspect dey go withdraw money the Police sheda send to ein Mobile Money account so say dem fit bring am from ein hideout.

The suspect kidnap the victim as na he dey go house from town haverst police records say.

The victim, who has since been rescued, recounted that Ebenezer Oko accosted him on his way from a toilet on the outskirts of the town. The victim Police rescue talk say Ebenezer Oko walk plus am from toilet

Ebenezer lie to the victim say he bi new for the town so make the boy lead am to the next town Akim Manso.

From Akim Manso, the suspect take the victim go Akim Asene, the next town, to Akim Oda, ebi there dem bed for hotel inside till day break. Ebi there wey the suspect call the victim ein mommy.

Victim Ein Mommy Ein Reports

The victim ein mommy, Mary Baah, before report the matter give police say ein other son come talk am say he see say ein ein kiddy bro dey follow some man bi for town.

According to the kiddy ein mommy, she get some call from unknown number wey tell am say he kidnap ein son. The kidnapper say he dey keep the boy some unknown location so the kiddy ein mommy for pay Ghc 5,000 before he go release ein son. The talk the suspect say she no fit get am the amount he dey ask, for there, suspect ask for Ghc 50.

The victim ein mommy do fast wey she send the money but the suspect no release the boy.

#PidginNews #fillasorr #pidginlanguage #Ghanapidgin #Nigeriapidgin #BBCPidgin #Wedey4U

Continue Reading

Fila

The People We Dey Preach To Bi Same People Wey Dey Chop Ghana Money- Sam Korankye Ankrah

Published

on

By

The Founder den leader of the Royalhouse Chapel International, Reverend Sam Korankye Ankrah say government for make sure dem punishment people wey dey put dema body for corruption inside.

According to am, plenty examples dey wey dey show say some government officials break the laws wey dey the country inside.

For ein interview plus Bernard Avle ahead of ein 60th birthday celebrations he say: “It’s a problem, that the people who come to us and sit in our presence and hear us preach are the same people who govern this nation and are in public office and yet it is very difficult to practice righteousness. Corruption is high.”

“Our country is not the only country bracing itself with this canker, even in America and everywhere, except that, in other jurisdictions, the law will deal with you. Over here, when you are caught, there is always a way where somebody somewhere will get you off the hook,” he talk.

Rev. Sam Korankye Ankrah agree say for plenty years, the level of corruption people wey dey public office do reach problematic level. “I advocate that if the law will be applied a little bit to bite more, it will shake people and make them sit up” – he add.

Reverend Sam Korankye Ankrah serve as the Apostle General give Royalhouse Chapel International, a church for Ghana wey get more than 30,000 members.

#PidginNews #fillasorr #pidginlanguage #Wedey4U #BBCPidgin #Nigeriapidgin #Ghanapidgin #PidginGhana

Continue Reading

Trending

Copyright © 2019 Pidginnewsonline.com. powered by Micanwel Digital Marketing.